2009-2010-mit 2015-16-imut efterskolernerit

Ukiumi atuarfiusumi 2015/16 kalaallit Kalaallit Nunaanni imaluunniit Danmarkimi efterskolini atuarlutik 425-t aallartissimapput aammalu taakkunannga 318-it efterskolerlutik naammassisimallutik. Naammassinninnerit procentiat annerpaaq qallunaat efterskoliininngaanneerpoq, taakkunannga aallartittut tallimaagaangata sisamat naammassisarput, kalaallilli efterskoliini pingasuugaangata marluk naammassisarlutik.

 

Ukioqatigiiaat qiviaraanni 1994 aammalu 1998 akornanni inunngorsimasut  pingasuugaangata ataaseq efterskolerluni aallartittarpoq, aammalu sisamaagaangata ataaseq naammassisarluni.

 

Ukiumi atuarfiusumi 2015/16-imi atuartut 71 pct.-ii ukiumi 16-inik ukioqalerfimminni efterskolini aallartipput, 18 pct.-iilu ukiumi 17-iliiffimminni efterskolerlutik aallartillutik.